more…

more…

L Foroclub Gherdëina nvieia duc n vënerdi ai 25 de mei dala 8 da sëira tl local di jëuni SAUT a na sëira de forografies fates dal jëunn Fabian Dalpiaz sun l tema “fotografies de nuet tla Dolomites”.

La Butëiga dl Mond Gherdëina y la Nëus Jëuni Gherdëina nvieia n vënerdi ai 25 de mei dala 17:00 ala 19:00 al marcià de baraté guant tla sënta dla Nëus Jëuni Gherdëina.
Uni una possa to pea da trëi a diesc pec de guant nët y e bona cualità y possa pona se to pea a cësa la medema cumpëida de guant purta pea da autres. L guant che ne vën nia cris ora ie ino da se to pea a cësa.

Meton a jì  na sëira cun la conditra Elisa ulache l unirà fat de bon desserc  n ucajion dl di de l‘oma. La sëira ie n merdi ai 8 de mei dala 20:00 tla cësadafuech dla NJG. L’iscrizions vën tëutes su te ufize cherdan su l numer 0471 799006.

Es’a ueia de passé l‘ instà cun nëus?
Vië y scrite it al proiet SAKL – l te dajrà sodisfazion y te mperes ngrum de nueva cosses.
L‘ iscrizions dl proiet da instà SAKL (Sommer activ, kreativ live) à abù n gran suzes y desmostra che l program plej dassënn ai sculeies de duta la valeda.
L’enes de sport y de devertimënt ie plu che plëines ma perchël possen mo se lascé nuté su tl‘ enes creatives sciche chëla dl cujiné y ciarcë deberieda, chëla dl ert metuda a jì dai artejans jëuni cun si lia „la Vëta“,
l’ena de teater cun Hannen Huber, l’ena de geologia metuda a jì n culaborazion cun l Museum Gherdëina ma nce per i dis sun la Plose iel mo lerch da pudëi se lascé nuté su.
Ënghe per la "Fahrt ins Ungewisse" metù a jì per sculeies dla prima y sgonda scola auta iel mo lerch.
Per plu nformazions pudëis gën passé te ufize dla Nëus Jëuni Gherdëina o cherdé su al numer 0471 799006.